مرحبا يا حبيباتي، أول شي حابة أشكركم لأنكم بتساعدوني في اختيار المواضيع اللي بنزلها و باخد كل سؤال بيجيني منكم بعين الإعتبار، وحتى لو أتأخرت شوي بالرد فبالنهاية أتأكدوا أن سؤالكم رح جاوب عليه واليوم اجابتي على أكثر من سؤال بنفس الوقت
كيف نسوي كونتور للوجه الطويل؟
كيف نسوي كونتور للوجه الطويل والنحيف؟
الوجه الطويل نوعين حبيباتي
بيضاوي طويل أبرز نقطة فيه هي الدقن
مستطيل عظام الفك فيه بارزه نفس الصورة اللي تحت
الفرق بين تنحيف وتعريض الوجه
الفرق بيكون في اتجاه الكونتور تبع الخد، طبعاً كلنا بنعرف ان الكونتور بيبتدي عند الأذن بكل الأحوال، لكن اتجاهه سواء كان للأنف أو للتم هو اللي بيفرق، كل ما كان الاتجاه مايل لزاوية التم كان عم يعطي ضعف أكثر وكل ما كان الأتجاه للأنف كل ما عطا عرض وامتلاء للوجه وهيدا هو الفرق الوحيد للكونتور وجربو نص وجه بكل طريقة وشوفوا الفرق
الكونتور للوجه الطويل البيضاوي والمستطيل
الفرق هو وضع اللون الغامق عند الزوايا الحادة بالوجه لتنعيمها واعطاء الوجه شكل بيضاوي ناعم، مثل الصور
أتمنى الموضوع يكون عجبكم حبيباتي
أتمنى منكم تشتركوا بكل مواقع التواصل الاجتماعي لتعرفوا كل شي جديد بنزله
أختكم
ميثاء عبدالجليل