تسع اشارات انذارية تقوم بها البشرة عند استعمال منتج لا يتناسب معها

بفترة من الفترات يا بنات كنت شارية مجموعة منتجات جديدة و عم جربها و لاحظت ان بشرتي صارت تفرز دهون بشكل ما بحياتي شفته و بوقتها قلت الصيف و الحر و من هالكلام لكن لما فكرت في الموضوع على المضبوط عرفت السبب و كان استخدامي منتجات ما ناسبت بشرتي

ما تفكروا ان لما تشوفوا حد مشهور بيستخدم منتج معناه انه تمام و انه ما في مشاكل لأن كل بشرة مختلفة عن الثانية و اليوم رح خبركم عن ١٠ اشارات بتعطيكي ياها البشرة لما تكوني عم تستخدمي منتجات ما بتناسبها

١- تهيج بالبشرة

اذا صار عندك احمرار بالبشرة فهو اشارة ان المنتج سواء كان منتج عناية بالبشرة أو مكياج ما ناسبك و هيدا كون ان منتجات التجميل بشكل عام بتحتوي على بعض المكونات العطرية أو الحافظة و اللي بأغلب الأحيان بتكون السبب في تحسس البشرة

٢- حكة بالبشرة

على الأغلب بتصير بسبب المكونات العطرية الموجودة بداخل منتجات التجميل، اذا صار معك حكة مباشرتاً شيلي أي منتج حطيتيه على البشرة

٣- ظهور حبوب مفاجئة

لما تستخدمي منتج جديد على البشرة سواء كريم أساس أو كريم للعناية بالبشرة، لاحظي شو التغييرات اللي بتصير على بشرتك على مدار اسبوعين على الأقل و بعدين رح يكون فيكي تقرري اذا الحبوب سببها المنتج الجديد أو أي سبب ثاني

٤- بشرة مشدودة

وطبعاً مو قصدي مشدودة بشكل حلو لا انا قصدي مشدودة لدرجة مزعجة و هيدا معناه ان المنتج اللي عم تستخدميه درجة ال PH تبعه مو مناسبة للبشرة

٥- افراز دهون زائدة

بالعادة تقريباً كل أنواع البشرات بتفرز دهون بنسب مختلفة لكن لما تلاحظي ان الكمية صارت مرتين أو ثلاث مرات أكثر عن كمية الدهون اللي بشرتك معوده انه تفرزها هون لازم تراجعي المنتجات الجديدة اللي ضفتيها على روتين العناية بجمالك

٦- حرقة بالبشرة

بعض المنتجات عند استخدامها بتحسووا بوخز و هيدا الشي طبيعي خاصتاً لو كان داخل بتركيبتها الأحماض لكن في فرق بين الوخز اللي يمكن احتماله و الاحساس بالحرقه

٧- بشرتك بتقشر بشكل مستمر

و هون يا بنات بدي ياكم تفرقوا من التقشير الطبيعي اللي بيصير بالبشرة بشكل المفروض ان نحن ما نحس فيه و التقشير المستمر مع جفاف البشرة. اذا لاحظتي بعد استخدام منتج معين ان بشرتك جافه، خشنة، و عم تقشر فلازم تعيدي النظر فروتين عنايتك ببشرتك و تشوفي شو المنتج اللي بيعمل هيك ببشرتك

٨- حبوب تحت الجلد

على الأغلب انك عم تستخدمي منتجات تقيلة على البشرة و في أغلب الحالات بيكون بسبب مكون ال oxybenzone اللي موجود بشكل كبير في كريمات الوقاية من الشمس، راجعي مكونات المنتجات اللي بتستخدميها و أعرفي المنتج اللي بيسبب هيك ببشرتك و بس توقفيه رح تنحل المشكلة تدريجياً

٩- عدم تحسن بالبشرة

على الأقل يا بنات لما تستخدموا منتج جديد استخدموه شهر ل ٣ شهور من بعدها فيكم تحددوا اذا المنتج منيح أو لا، لكن اذا بعد شهر ما بلشتوا تحسوا بتحسن بالبشرة فانصحكم انكم توقفوا اي منتج جديد بتستخدموه لأنه ما عم يعود على بشرتكم بالفائدة

أتمنى موضوعي اليوم عجبكم حبيباتي

أختكم ميثاء عبدالجليل

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maitha abduljali

#العنايةبالبشرة #تهيجالبشرة #منتجاتالتجميل #المكياج #كريماتالعنايةبالبشرة #روتينيللعنايةببشرتي #روتينيالصباحي #روتينيالمسائي #حكةالبشرة #تحسسالبشرة #الحبوب #حبوب #البشرةالدهنية #الافرازاتالدهنية #حرقةالبشرة #جفافالبشرة #تقشرالبشرة #الحبوبتحتالجلد