١١ خطأ تعمليه بحق بشرتكم و منهم أخطاء مستحيل تخطر على بالك

١- التقشير الزائد

بعرف كثير من الصبايا بيستخدموا التقشير بشكل يومي و هيدا الشي بيخلي البشرة جافة و بيشيل طبقة الرطوبة الطبيعية الموجودة بالبشرة و بالاستمرار بهيدا الخطأ فاحتمال ظهور التجاعيد بكير على البشرة كثير كبيرة، المفروض كحد أقصي تعملوا تقشير للبشرة من مرتين لثلاث مرات بالاسبوع

٢- النوم بالمكياج

لا وألف لا، ما في عذر و لا تعب بالعالم بيعطيكي الحق انك تعملي هيك بالبشرة، أولا انتي بتسكري المسامات، ثانياً بتطلع حبوب و رؤوس سوداء و بيضا، ثالثاً بتطلع بقع على البشرة، و أخطر شي هو تراكم السموم بالبشرة و اللي بيأدي للشيخوخة المبكرة و طبعاً ما رح انسي نقطة مهمة و هي ان بشرتك رح تبلش تفرز دهون بكميات كبيرة و هاي ردة فعل طبيعية للبشرة بتقوم فيها حتى لو استخدمتي منتج ما يناسبها

٣-عدم وضع واقي شمس يومياً

من كم يوم سألتني بنت أختي، خالتو ليش بشرتي هيك فسألتها بتستخدمي واقي شمس قالت أحياناً هون انصدمت قلتلها الواقي هو عبارة عن أ ب ت العناية بالبشرة لأن أغلب المشاكل اللي بتصير بالبشرة ناتجة عن التعرض للشمس و طبعاً النقطة اللي في كثير من الصبايا ما بيعرفوها ان الواقي لازم يتجدد كل ساعة و نص لأنه بيروح مفعوله فانتبهوا على هالنقطة يا بنات

٤- عدم تنظيف البشرة بشكل عميق

وبهاي النقطة انا بحكي خصيصاً عن منتج التونر، اللي بسميه المنتج المنسي لأن في كثير ما بيعرفوا أهميته و اللي لازم تعرفيه ان مهما نظفتي البشرة بغسول معين رح تضل في بقايا ما تروح الا مع التونر يعني شي كثير اساسي

٥- اللعب في الحبوب

آخ يا ذكريات المراهقة وقت ما كنت أوقف قدام المراية و أعصر كل حبة لحتى يطلع الدم و ياريت كان حد وقتها قالي ان اللي بعمله بحق بشرتي جريمة، لما بتعملوا هيك فأنتوا بتسببوا تهيج بالبشرة و انتشار للبكتيريا المسببة للحبوب و ما تنسوا طبعاً آثار الحبوب اللي بترافقنا العمر كله

٦- استخدام فراشي مكياج أو اسفنجات غير شخصية

تخيلوا انكم رحتوا لخبيرة مكياج مو مهتمة بفراشيها بدي ياكم تسألوا حالكم يا تري هالفرشة كم وجه لمست و يا تري كم وجه منهم فيه حبوب و لا كان ملتهب !!!!

لازم كل بنت يكون عندها فراشي خاصة فيها على الأقل فراشي الوجه و الأسفنجات ومو شرط فراشي مكياج العيون عشان ما ينتقل ليكم جراثيم و بكتيريا

٧- عدم غسل أكياس المخدات كل يومين

ونحن نايمين البشرة بتفرز دهون و هالدهون حزركم وين بتروح؟ على كيس المخدة و بترجعي ثاني يوم تنامي عليها و ترجع الدهون تلامس بشرتك و تنقل ليها البكتيريا ورح قلكم انا شو بعمل

سريري عليه مخدتين بنام اليوم على مخدة وحدة ثاني يوم بقلبها و بنام عالجنب النظيف و ثالث يوم بجيب المخدة الثانية و بقلبها باليوم الرابع و بعدين أكياس المخدتين بيتبدلوا

٨- النوم لوقت غير كافي

هو السبب الأساسي اللي بيخلي البشرة باهتة و مجهدة

٩- عدم استخدام المرطب للبشرة الدهنية

كثير منكم بيفكر ان لو البشرة دهنية مو لازم تستخدموا مرطب، العكس صحيح تماماً لازم تستخدموا مرطب عشان يوازن نسبة الدهون بالبشرة بس المهم تختاروا مرطب خالي من الدهون و مخصص للبشرة الدهنية

١٠- استخدام العديد من منتجات العناية بالبشرة

مثل ما بيحكي المثل اللي بيزيد عن حده ينقلب لضده، عشان هيك ما تكثروا عدد أو كمية المنتجات اللي تستخدموها، استخدموا فقط اللي انتوا بحاجة له

نظامي الصباحي: تنظيف البشرة، تونر للبشرة (استخدم ماء اللبان المر)، المرطب، واقي شمس نسبة ٥٠

نظامي المسائي: تنظيف البشرة، نفس التونر، كريم ليلي و هو كريم اكريتين

و التقشير مرتين بالاسبوع

١١- تنظيف البشرة بماء ساخن

سواء كان وقت غسل البشرة او وقت الاستحمام، هيدا الشي بيسبب جفاف للبشرة و بيشيل الطبقة المرطبة الواقية للبشرة فرح تبلش البشرة تفرز دهون زيادة كردة فعل و رح تبين باهتة و مجهدة، غير طبعاً ان البشرة الجافة هي من أول أنواع البشرات اللي بيطلع عليها علامات التقدم بالسن و التجاعيد

ما تنسووا تتابعوا قناتي على اليوتيوب

https://www.youtube.com/user/maithaabduljalil

وحساب وصفات الجمال على الانستغرام

maitha_abduljalil

وحساب وصفات الطبخ على الانستغرام

maitha_cooks

والسناب جات

Maitha abduljali

أختكم ميثاء عبدالجليل

#أخطاءالعنايةبالبشرة #كيفتعتنيببشرتك #العنايةبالبشرة #تقشيرالبشرة #كلماتحتاجينمعرفتة #عن #ملفكاملعن #النومبالمكياج #أضرار #فوائد #واقيالشمس #تنظيفالبشرة #حبوبالبشرة #حبالشباب #التخلصمن #فراشيالمكياج #اسفتجالمكياج #أكياسالمخدات #النوموعلاقتةبالبشرة #تصبغاتالبشرة #أفضل #منتجاتالعنايةبالبشرة #روتينالعنايةبالبشرة #البشرةالجافة #البشرةالدهنية #البشرةالعادية #البشرةالمختلطة #البشرةالحساسة #البقعالناتجةعنالشمس #التصبغاتالشمسية #الماءالساخنوالبشرة